Форма входу
Категорії розділу
2016 [1]
Календар
«  Травень 2019  »
ПнВтСрЧтПтСбНд
  12345
6789101112
13141516171819
20212223242526
2728293031
Архів записів
Наше опитування
Оцените мой сайт
Всього відповідей: 90
Статистика

Онлайн всього: 1
Гостей: 1
Користувачів: 0

Молитва  священномученикам Александрийским Адриану и Димитрию

 

О святии священномученицы Адриане и Димитрие Александрийские, во время смуты и гонений на церковь православную во Отечестве нашем за Христа пострадавшие, верность Ему даже до смерти засвидетельствовавшие и мученический венец в вечныя жизни от Него приемшие! Вы во дни гонения лютаго, землю нашу от людей безбожных постигшаго, на судищах, в заточении и во всяких скорбных обстояниях образ терпения и непостыднаго упования на Господа мужественне явили есте. Ныне же предстояще престолу Пресвятые Троицы наслаждаетеся неизреченнаго блаженства! Се в день общего вашего торжества милостивно призрите на нас меньших братий ваших, приносящих вам сие малое хвалебное пение, и ходатайством вашим просящих милости и отпущение грехов у Преблагаго Господа. Тем же убо смиренно молим вас умолите милостиваго Владыку, да подаст благословление земли Александрийской, угасит вражду и злобу, расколы, шатания и всякую ересь, отженет от нас зависти и нестроения, ненависть и братоубийства, попалит в сердцах наших всякую нечистоту, разжжения и соблазны. Да вашими молитвами вразумит и благословит всех, иже во власти суть, и возглаголет в них благая о Церкви Православней и о всех людех Отечества нашего. Вы же, предстателие наша теплейшии, помяните нашу немощь, укрепите нас в любви вашей ко Господу и в мужественном стоянии, даже до крови за святую веру православную. Подайте нам руку помощи в возрождении былого благолепия, строительстве храмов и обителей православных в богоспасаемом граде Александрии и земли нашей. Умолите Владыку мира даровати нам и грядущим по нас мир и
благоденствие, да возможем земное поприще в добродетельном житии без порока прейти, и в покаянии достигнути преславных райских селений. Да сподобимся быти причастниками духовныя трапезы в небесных чертогах Царя Славы и тамо купно с вами, в любви нелицемерней и единомыслии прославляти святое имя Отца и Сына и Святаго Духа во веки веков. Аминь.